Helse, Miljø og Sikkerhet

Dersom SØRAL skal nå målet om å vera ein 0-skade bedrift, må HMS-kompetansen hevast. I dette tilfellet dreiar det seg meir om haldningar enn kunnskap og dugleik. Vi satsar difor på åtferdsbasert HMS-opplæring.

Aluminium og miljø

Alle industrielle produkt medfører forbruk av energi og råvarer og resulterer i større eller mindre mengder av avfallsprodukt. Det gjeld også for produkt av aluminium.

For å kunne setja opp eit fullstendig rekneskap over verknaden av slike prosessar, må ein både inkludera levetida for produkta, høve til attvinning og trongen for vedlikehald. I slike studiar viser det seg at aluminium ofte kjem godt ut samanlikna med andre materialar. Det er særleg to årsaker til dette:

Aluminium eignar seg svært godt for resirkulering. Energiforbruket er bare 5% av det som går med til primærframstilling og resirkuleringsgraden er høg. I dag ligg den i gjennomsnitt på 73%. For transportmidlar er talet heile 95%, og med godt utbygde attvinningsystem reknar ein med å koma opp i 90% som gjennomsnitt. Låg vekt kombinert med høg styrke gjev lette konstruksjonar som medfører redusert energiforbruk under transport.

SØRAL gjev årleg ut ein rapport med detajerte opplysningar om miljø. Sjå siste rapport.